မြန်မာ့ဒီမိုကရေစီအရှိန်အဟုန်

07 Aug 2016

၂၀၁၂ ခုနှစ်တွင် ကုလသမဂ္ဂဖွံ့ဖြိုးမှု အစီအစဉ်၏ မြန်မာနိုင်ငံ လုပ်ငန်း အစီအစဉ်ကို ပြင်ဆင်ချဲ့ထွင်ရာ၌ ပထမဆုံး ဆောင်ရွက်ရသည်မှာ “ထိတွေ့ဆက်ဆံရေး မဟာဗျူဟာ” ကို ပြင်ဆင်ခြင်းပင် ဖြစ်ပါသည်။ ထိုစဉ်က ကျွန်ုပ်သည် ကုလသမဂ္ဂဖွံ့ဖြိုးမှု အစီအစဉ် (မြန်မာနိုင်ငံ) ၏ ညွန်ကြားရေးမှူး တာဝန်ကို လတ်တလော ရယူထားသူ ဖြစ်ပြီး၊ အစည်းအဝေးများတွင် မြန်မာနိုင်ငံ၏ အသွင်ကူးပြောင်းရေး လုပ်ငန်းစဉ် အပေါ် သံသယ ၀င်သူများ၊ မြန်မာနိုင်ငံ၏ အသွင်ကူးပြောင်းရေးဖြစ်စဉ်သည် “အနှစ်” မပါ၊ “အကာ” မျှသာ ဖြစ်ကြောင်း ပြောဆိုသူများနှင့် တွေ့ကြုံခဲ့ရပါသည်။ အချို့ကမူ အကယ်၍ မြန်မာနိုင်ငံ၏ အသွင်ကူးပြောင်းမှုသည် စစ်မှန်သော ပြောင်းလဲမှု ဖြစ်သည့်တိုင် မြန်မာနိုင်ငံ အစိုးရသည် ပြုပြင် ပြောင်းလဲရေး လုပ်ငန်းများကို ဆောင်ရွက်နိုင်မည့် အရည်အချင်း ရှိပါမည်လော ဟု ဆိုကြသည်။

ထိုစဉ်က ပြောင်းလဲမှု၏ ရလဒ်ကို မသိနိုင်သေးသော်လည်း ကျွန်ုပ်တို့သည် ပြောင်းလဲမှု၏ ဦးတည်ချက်ကို သတိကြီးစွာ မျှော်လင့်ခဲ့ကြပါသည်။ ကြုံတွေ့ရမည့် စိန်ခေါ်မှုများကို လျှော့ မတွက်ဘဲ အပြုသဘော ဆောင်သည့် မျှော်လင့်ချက် ထားရှိကာ မြန်မာနိုင်ငံတွင် ဒီမိုကရေစီ မြှင့်တင်ရေး၊ ဆင်းရဲနွမ်းပါးမှု လျော့ပါးရေးနှင့် သဘာဝ ပတ်ဝန်းကျင် ရေရှည် တည်တံ့ရေး လုပ်ငန်းများကို ဆောင်ရွက်ရန် “ကုလသမဂ္ဂဖွံ့ဖြိုးမှု အစီအစဉ် မြန်မာနိုင်ငံ ဖွံ့ဖြိုးရေး လုပ်ငန်း အစီအစဉ်သစ်” အား ပုံဖော် ရေးဆွဲခဲ့ပါသည်။

ထိုစဉ်က မြန်မာနိုင်ငံ၏ အာဏာရ ခေါင်းဆောင်များ၊ အတိုက်အခံ ခေါင်းဆောင်များသည် မြန်မာနိုင်ငံ ပြုပြင် ပြောင်းလဲရေးတွင် အရေးပါသော ကိစ္စရပ်များကို ကိုင်တွယ်၍ ပြောင်းလဲမှုကို ဦးဆောင်ရန် လိုအပ်သော စွမ်းရည်များ ဖြည့်တင်းကာ ဆောင်ရွက်လိမ့်မည် ဖြစ်ကြောင်းကို ကျွန်ုပ်တို့ အနည်းငယ်မျှသာ သိရှိခွင့် ရခဲ့ပါသည်။

၂၀၁၅ ခုနှစ် ရွေးကောက်ပွဲနှင့် နိုင်ငံရေး အသွင်ကူးပြောင်းမှု ဖြစ်ပေါ်ပြီးနောက်တွင် ဦးတည်ချက် ပိုမို မြင့်မားသော ပြုပြင်ပြောင်းလဲရေး လုပ်ငန်းစဉ်များ ဆောင်ရွက်ရန် အခြေအနေ ပေါ်ထွန်းဖွယ် ရှိသည်ကို တွေ့ရပါသည်။ သို့စေမူ အစိုးရ အဖွဲ့သစ်၏ စွမ်းရည်ကို သံသယ၀င်သူများ ရှိလာဦးမည် ဖြစ်သည်။ အတိုက်အခံ အဖြစ် ကာလ ရှည်လျားစွာ ရပ်တည်ခဲ့ရာမှ အုပ်ချုပ်ရေး တာဝန်ကို လွှဲပြောင်း ရယူလိုက်သော အစိုးရ အဖွဲ့သစ်သည် နိုင်ငံကို ကောင်းမွန်စွာ  လည်ပတ်နိုင်ပါမည်လော ဟု သံသယ ၀င်သူများ၊ အစိုးရ အဖွဲ့သစ်သည် ပြည်တွင်းနှင့် နိုင်ငံတကာမှ မျှော်လင့်ချက်ကို မည်သို့ ဖြည့်ဆည်းမည်နည်း၊ ရွေးကောက်ပွဲ အောင်မြင်မှုနှင့် အတူ ပူးတွဲနေသော တာဝန်များကို မည်သို့ ဆောင်ရွက်မည် ဟု မေးခွန်း ထုတ်သူများ၊ အစိုးရ အဖွဲ့သစ်သည် နိုင်ငံ အတွင်းရှိ လူမျိုးစု အုပ်စုများ၊ ဘာသာရေး အုပ်စုများ အားလုံး အတွက် အမျိုးသား ၀ိသေသ လက္ခဏာနှငင့် လူ့အခွင့်အရေး ရရှိရေးကို ဆောင်ရွက် နိုင်ပါမည်လေ ဟု မေးခွန်းထုတ်သူများ ရှိနေမည် ဖြစ်သည်။

ထို မေးခွန်းများသည် ယုတ္တိရှိသော မေးခွန်းများ ဖြစ်ပြီး ယေဘုယျ စိတ်ဝင်စားမှုတို့ကို ခြုံငုံနေသည် ဟု  ကျွန်ုပ် အနေဖြင့် ယုံကြည်မိပါသည်။ သို့ရာတွင် ထိုသူတို့သည် အစိုးရ အဖွဲ့သစ် အပေါ် လွန်ကဲသော သံသယစိတ်ဖြင့် ချဉ်းကပ်ခြင်း ဟု ကျွန်ုပ် မယူဆမိပါ။

ရှေးဦးစွာ ကျွန်ုပ် အနေဖြင့် မြန်မာနိုင်ငံ၏ အရင်းအမြစ် ဖြစ်သော လူထုကို ယုံကြည်ကြောင်း ပြောကြားလိုပါသည်။ မြန်မာလူထုသည် အလုပ် ကြိုးစားစိတ် ရှိပြီး ထုသား ပေသားကျ နေနိုင်စွမ်း ရှိသူများ ဖြစ်သည်။ အပြောင်းအလဲကို လိုလားသူများ ဖြစ်သည်။ ထို့အပြင် မိမိတို့၏ ယဉ်ကျေးမှု အမွေအနှစ်ကို ဂုဏ်ယူ မြတ်နိုးသူများ ဖြစ်ကြသည်။ ဝေလံသီခေါင်သော ကျေးလက်ဒေသတွင် မိုင်ချီသည့် ခရီးလမ်းကို နေ့စဉ် လမ်းလျှောက်၍ စာပေ ပို့ချပေးနေသော ဆရာ၊ ဆရာမများမှ စ၍ မြန်မာနိုင်ငံ၏ ပွင့်သစ်စ စီးပွားရေး ဈေးကွက်တွင် အလုပ်အကိုင် အခွင့်အလမ်း အသစ်များ ဖန်တီးရန်၊ လိုအပ်သော နိုင်ငံတကာ ဘာသာစကားများကို လေ့လာ သင်ယူနေသော စွန့်ဦးတီထွင် စီးပွားရေး လုပ်ငန်းရှင်များ အပါအ၀င် ဖြစ်သော မြန်မာ့လူထုသည် ပြောင်းလဲမှုဖြစ်စဉ်တွင် အရေးပါသူများ ဖြစ်ပြီး၊ ဤ ပြောင်းလဲမှုကို ဖြစ်ပေါ်စေသော သူရဲကောင်းများ ဖြစ်၏။ ယခု အခါတွင် သူတို့ ရွေးချယ် တင်မြှောက်လိုက်သူတို့မှာ အစိုးရ အဖွဲ့သစ်တွင် တာဝန် ထမ်းဆောင်နေပြီ ဖြစ်သည်။ သို့ဖြစ်၍ မြန်မာ့လူထုသည် ယင်းတို့ လိုလားသော အပြောင်းအလဲကောင်း ပေါ်ထွန်းရေး အတွက် ထက်သန်သော စိတ်ဓာတ်နှင့် ခွန်အားကို အသုံးချလိမ့်မည် ဟု မျှော်လင့်ပါ၏။

ထို့အပြင် ၂၀၁၅ ခုနှစ် ရွေးကောက်ပွဲနှင့် အတူ ပေါ်ထွန်းလာသော နိုင်ငံရေး ခေါင်းဆောင်များသည် ပြည်သူ့ဝန်ထမ်း အဖွဲ့အစည်းများ၊ အရပ်ဘက် အဖွဲ့အစည်းများ၏ အတွေ့အကြုံနှင့် ခွန်အားတို့ကို အသုံးချ၍ ရလဒ်ကောင်းများ ပေါ်ထွန်းအောင် ဆောင်ရွက်နိုင်မည် ဟု ယုံကြည်မိပါသည်။ ဦးတည်ချက် တစ်ခုတည်း ထားရှိပြီး လှုပ်ရှားနေသော အရပ်ဘက် အဖွဲ့အစည်းများမှ စ၍ မြန်မာနိုင်ငံ ကျေးလက် အမျိုးသမီး ကွန်ရက် အပါအ၀င် မြန်မာ့ အရပ်ဘက် အဖွဲ့အစည်းများသည် အစိုးရ အဖွဲ့သစ်၏ မူဝါဒ အသစ်များ အောင်မြင်မှု ရရှိပြီး ပြည်သူလူထု အတွက် ထိရောက်မှု ရှိသော ပြောင်းလဲမှုများ ပေါ်ထွန်းရေးတွင် ပူးပေါင်း ပါဝင်နိုင်သည့် စွမ်းရည်များ ရှိနေသည်ကို တွေ့ရပါသည်။ အကယ်၍ လိုအပ်ပါက အရပ်ဘက် အဖွဲ့အစည်းများသည် လိုအပ်ချက် အမြောက်အမြား ရှိနေသော အစိုးရနှင့် လက်တွဲကာ ဝေလံခေါင်သီသော ဒေသများမှ လူထုအတွက် လူမှုရေး ၀န်ဆောင်မှုများ ပံ့ပိုးခြင်းတွင် အားဖြည့်နိုင်သည်ကိုလည်း တွေ့မြင်ရပါသည်။

တစ်ချိန်တည်းမှာပင် ပြည်သူ့ဝန်ထမ်း အဖွဲ့အစည်းများ အနေဖြင့် ယခင် အစိုးရ လက်ထက်တွင် ယင်းတို့ ရရှိခဲ့သော ပြုပြင်ပြောင်းလဲရေး ဆိုင်ရာ အတွေ့အကြုံများကို အသုံးချ၍ အစိုးရ အဖွဲ့သစ်ကို ကူညီနိုင်မည် ဖြစ်သည်။ လွန်ခဲ့သော နှစ်များတွင် ကုလသမဂ္ဂ ဖွံ့ဖြိုးမှု အစီအစဉ်သည် မြန်မာနိုင်ငံတော် အစိုးရ၏ ဒေသန္တရ အုပ်ချုပ်ရေးနှင့် တရားဥပဒေ စိုးမိုးရေး ဆိုင်ရာ ပြုပြင် ပြောင်းလဲရေး လုပ်ငန်းများ ထိရောက်မှု ရှိစေရန် ပံ့ပိုး ကူညီခဲ့ပါသည်။ ထိုသို့ ဆောင်ရွက်ရာတွင် ပြည်သူ့ဝန်ထမ်းများ၏ နိုင်ငံတော် ရှေ့ရေးအတွက် မျှော်လင့်ချက်ကို ကြားသိခွင့်ရခဲ့ပြီး ပြုပြင်ပြောင်းလဲရေး ဖြစ်စဉ် အပေါ် ယင်းတို့၏ စိတ်အား ထက်သန်မှုကို အံ့သြဖွယ် တွေ့မြင်ခဲ့ရပါသည်။

လွန်ခဲ့သော နှစ်များတွင် မြန်မာနိုင်ငံ အတွင်း၌ သာမက နိုင်ငံတကာ ဖွံ့ဖြိုးရေး လုပ်ငန်း နယ်ပယ်တွင်လည်း ပြောင်းလဲမှု မြောက်မြားစွာ ဖြစ်ပေါ်ခဲ့ပါသည်။ ၂၁ ရာစု ဖွံ့ဖြိုးရေး ပူးပေါင်း ဆောင်ရွက်ရာတွင် ဖွံ့ဖြိုးရေး ထောက်ပံ့မှု အခန်းကဏ္ဍမှာ လျော့နည်းသွားမည် ဖြစ်ပြီး၊ ပြည်တွင်နှင့် နိုင်ငံတကာ အရင်းအမြစ်များကို အသုံးချ၍ စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်များ ရရှိရေးကို ဦးတည်၍ လုပ်ဆောင်ကြတော့မည် ဖြစ်သည်။  

မြန်မာနိုင်ငံတွင် ကျွန်ုပ်တို့သည် ပြုပြင် ပြောင်းလဲရေး ဖြစ်စဉ် အသစ်ကို ခွန်အားနှင့် နှိမ့်ချမှု ရှေ့ထား၍ ထောက်ပံ့ရမည် ဖြစ်သည်။ ဤသို့ ဆောင်ရွက်ခြင်းမှာ ကျွန်ုပ်တို့ အတွက် မဟုတ်ဘဲ မြန်မာနိုင်ငံတော်ကို ပိုမို ကောင်းမွန်အောင် ပြုပြင် ပြောင်းလဲနိုင်မည့် အစိုးရ၊ အရပ်ဘက် အဖွဲ့အစည်းများ၊ ပြည်သူ့ဝန်ထမ်းများ အတွက်ပင် ဖြစ်သည်။ ထိုသို့ ဆောင်ရွက်ရာတွင် ကျွန်ုပ်တို့သည် အရင်းအမြစ်၊ ကျွမ်းကျင်မှုနှင့် အခြား နိုင်ငံများတွင် ဆောင်ရွက်ရာမှ ရရှိသော အတွေ့အကြုံများကို လိုအပ်ချက်နှင့် အညီ ပံ့ပိုးရမည် ဖြစ်ပေသည်။

မြန်မာနိုင်ငံတွင် မဖြေရှင်းရသေးသော ကိစ္စရပ် အမြောက်အမြား ကျန်ရှိနေဆဲပင် ဖြစ်ပါသည်။ မြန်မာနိုင်ငံတော်၏ ခေါင်းဆောင်သစ်တို့သည် ကိုယ်ပိုင်ဆုံးဖြတ်ချက်များ ပြတ်သားစွာ ချမှတ်ရင်း စမ်းသပ်လေ့လာအဖြေရှာနည်း (Trial and Error) ကို အသုံးပြု၍ ပြည်သူလူထု၊ အရပ်ဘက် အဖွဲ့အစည်းများ၊ ပြည်သူ့ဝန်ထမ်းများ၊ ပုဂ္ဂလိက လုပ်ငန်းရှင်များနှင့် ပူးပေါင်းကာ ယင်းတို့၏ တာဝန်များကို ဆောင်ရွက်သင့်ပေသည်။ ဤနည်းဖြင့် ခေါင်းဆောင်များသည် ဘာသာရေး ပဋိပက္ခ၊ ဆောင်ရွက်ဆဲ ငြိမ်းချမ်းရေး တည်ဆောက်ခြင်း၊ အဖွဲ့အစည်း စွမ်းရည် ကြံ့ခိုင်မှု အားနည်းခြင်း၊ အားလုံး ပါဝင်နိုင်သော တိုးတက်မှု လမ်းကြောင်းတွင် ကျရောက်နေသော အဟန့်အတားများ အစရှိသည့် စိန်ခေါ်မှု မြောက်မြားစွာကို ဖြေရှင်းနိုင်မည် ဖြစ်ပေသည်။

ဤ လမ်းကြောင်း၏ အစ ဖြစ်သော လွန်ခဲ့သော (၄) နှစ်တွင် မျှော်လင့်ချက် ထားရှိရန် အကြောင်းတရားများ ရှိခဲ့ဖူးပါသည်။ ယနေ့ အချိန်တွင် မြန်မာနိုင်ငံသည် ယင်း၏ ဒီမိုကရေစီ အရှိန်အဟုန်ကို တည်ဆောက်နေပြီ ဖြစ်သည်။  

UNDP Around the world

You are at UNDP Myanmar 
Go to UNDP Global