ကျေးလက် အမျိုးသမီးများ၏ ရှုဒေါင့် - သက်တမ်း (၁) နှစ် တင်းတင်း ပြည့်ခဲ့ပြီ ဖြစ်သော မေတို့ကမ္ဘာအဖွဲ့

Oct 14, 2016



ယမန်နှစ် အောက်တိုဘာ ၁၅ ရက် အပြည်ပြည်ဆိုင်ရာ ကျေးလက် အမျိုးသမီးများနေ့တွင် စတင် တည်ထောင်ခဲ့သော မေတို့ကမ္ဘာအဖွဲ့သည် ယနေ့တွင် သက်တမ်း (၁) နှစ် တင်းတင်း ပြည့်ပြီ ဖြစ်သည်။ ကုန်လွန်ခဲ့သော (၁) နှစ်တာ ကာလအတွင်း မေတို့ကမ္ဘာအဖွဲ့ ဖြတ်သန်းခဲ့သော လမ်းခရီးသည် စိတ်လှုပ်ရှားဖွယ် ကောင်းလှ၏။ ၂၀၁၅ ခုနှစ် အတွင်း၌ မေတို့ကမ္ဘာအဖွဲ့သည် မြန်မာနိုင်ငံ တစ်ဝန်းတွင် အမျိုးသမီးများ အပေါ် အကြမ်းဖက်မှု တိုက်ဖျက်ရေး ဆွေးနွေးပွဲများ ကျင်းပခဲ့ပြီး၊ ကျေးလက်ဒေသနေ အမျိုးသမီးများကို သတင်း အချက်အလက် ဖြန့်ဖြူးရန် မိုဘိုင်းလ်ဖုန်း ဆော့ဖ်ဝဲလ်ကိုလည်း ဖန်တီးနိုင်ခဲ့ပါသည်။ ထို့အပြင် ကျေးလက်ဒေသနေ အမျိုးသမီးများအတွက် အသက်မွေး ၀မ်းကျောင်း လုပ်ငန်း သင်တန်းများကိုလည်း ပို့ချပေးခဲ့ပါသည်။ မေတို့ကမ္ဘာအဖွဲ့ ဖြတ်သန်းခဲ့ပြီးသော လမ်းခရီးသည် ရှည်လျားလှပါသည်။ ထို့အပြင် မေတို့ကမ္ဘာအဖွဲ့ ဆက်လက် လျှောက်လှမ်းရမည့် လမ်းခရီးသည်လည်း ရှည်လျားနေဦးမည် ဖြစ်ပါသည်။

မေတို့ကမ္ဘာအဖွဲ့ကို တိုင်းဒေသကြီးနှင့် ပြည်နယ် (၈) ခုတို့ ကျေးလက်ဒေသနေ အမျိုးသမီးပေါင်း ၂၂၀၀၀ ဖြင့် ဖွဲ့စည်းထားခြင်း ဖြစ်ပါသည်။ အဖွဲ့ဝင် အမျိုးသမီးများသည် ဖွံ့ဖြိုးတိုးတက်ရေး လုပ်ငန်းများကို ကျေးရွာအဆင့်တွင် ဆောင်ရွက်နေသော အဖွဲ့ငယ်များမှ ဖြစ်ပြီး မြို့နယ်အဆင့်တွင်လည်း စုစည်းချိတ်ဆက်၍ ဆောင်ရွက်နေသူများ ဖြစ်ပါသည်။ ထိုအဖွဲ့ငယ်များကို စုပေါင်း၍ မေတို့ကမ္ဘာအဖွဲ့အဖြစ် အမျိုးသားအဆင့် အဖွဲ့အစည်းအဖြစ် တည်ထောင်ထားခြင်း ဖြစ်ပါသည်။

ယမန်နှစ် အောက်တိုဘာလမှ စတင်၍ မေတို့ကမ္ဘာအဖွဲ့သည် အဖွဲ့ဝင် အမျိုးသမီးများနှင့် ပူးပေါင်းကာ အမျိုးသမီးများ အပေါ် အကြမ်းဖက်မှုနှင့် အိမ်တွင်း အကြမ်းဖက်မှု တိုက်ဖျက်ရေးဆိုင်ရာ အသိပညာ မြှင့်တင်ရေး လုပ်ငန်းများကို ကျေးလက်ဒေသတွင် ဆောင်ရွက်လျက် ရှိပါသည်။ ကျေးလက်ဒေသတွင် လူထု အတွင်း အသိအမြင် အားနည်းမှုကြောင့် လိင်ပိုင်းဆိုင်ရာ စော်ကားမှုနှင့် နှောင့်ယှက်မှုများကို ဥပဒေနှင့် အညီ ကောင်းမွန်စွာ ကိုင်တွယ် ဖြေရှင်းနိုင်ခြင်း မရှိပါ။ ထို့အပြင် ကျေးလက်ဒေသနေ အမျိုးသမီး အများစုသည် ယင်းတို့ ရပိုင်ခွင့် ရှိသော အမျိုးသမီး အခွင့်အရေးများနှင့် ဥပဒေ အရ ကာကွယ် စောင့်ရှောက်မှု အစီအစဉ်များကို မသိရှိခြင်းကြောင့် ပြဿနာ ဖြစ်ပွားလျှင် အခက်အခဲများနှင့် ကြုံတွေ့ရပါသည်။ အမျိုးသမီး အခွင့်အရေးနှင့် ကျားမ တန်းတူညီမျှရေး ဆိုင်ရာ အသိပညာပေး လုပ်ငန်းများနှင့် လှုပ်ရှားမှုများကို ကျေးလက်ဒေသတွင် အရှိန်အဟုန် မြှင့်တင်၍ ဆောင်ရွက်ရန် လိုအပ်နေဆဲ ဖြစ်ပါသည်။

မေတို့ကမ္ဘာ အဖွဲ့ဝင်များသည် ကျေးလက်ဒေသနေ အမျိုးသမီးများ ဖြစ်သဖြင့် ကျေးလက်ဒေသတွင် ကြုံတွေ့ရသော အခက်အခဲများကို ကောင်းမွန်စွာ နားလည်သိရှိပါသည်။ ကျေးလက်ဒေသတွင် ၀င်ငွေရ လုပ်ငန်း လုပ်ကိုင်သူ အမျိုးသမီးများသည် ၀င်ငွေမဲ့ အမျိုးသမီးများထက် ပို၍ စိန်ခေါ်မှုများကို ဖြေရှင်း ကိုင်တွယ်နိုင်စွမ်း ရှိပါသည်။ ကျေးလက်ဒေသနေ အမျိုးသမီးများတွင် ပုံမှန်ဝင်ငွေရ လုပ်ငန်း လုပ်ကိုင်သူ နည်းပါးပြီး၊ အချို့မှာ ရာသီအလိုက် လုပ်ငန်းများကို လုပ်ကိုင်သူ လက်လုပ်လက်စားများ ဖြစ်ကြပါသည်။ မေတို့ကမ္ဘာအဖွဲ့သည်  ကျေးလက်နေ အမျိုးသမီးများ ၀င်ငွေရ လုပ်ငန်းများ လုပ်ကိုင်နိုင်စေရန် ရည်ရွယ်၍ ဒေသနှင့် ကိုက်ညီမှု ရှိသော အသက်မွေးဝမ်းကျောင်းမှု သင်တန်းများ ဖွင့်လှစ် ပို့ချခဲ့ပါသည်။ ဥပမာ အနေဖြင့် ပြရလျှင် မေတို့ကမ္ဘာအဖွဲ့သည် တံမြက်စည်းလုပ်ငန်းသင်တန်း၊ ဖိနပ်ချုပ်နည်းသင်တန်း၊ ခမောက်လုပ်နည်းသင်တန်း အစရှိသည့် ကျေးလက်နှင့် ကိုက်ညီမှု ရှိသော သင်တန်းများကို ပို့ချခဲ့ပါသည်။ ထို အသက်မွေး ၀မ်းကျောင်းမှု သင်တန်းများ ပို့ချခြင်းကြောင့် ကျေးလက်ဒေသနေ အမျိုးသမီးများ အနေဖြင့် ၀င်ငွေရ လုပ်ငန်းများ လုပ်ကိုင်လာနိုင်ပြီး မိသားစု စားဝတ်နေရေးကို မြှင့်တင်လာနိုင်သည်ကို တွေ့ရှိရပါသည်။

မေတို့ကမ္ဘာအဖွဲ့သည် ကျေးလက် အမျိုးသမီး အဖွဲ့အစည်းဖြစ်ပြီး အဖွဲ့ဝင် အမျိုးသမီးများ၏ ဆန္ဒဖြစ်သည့် ခေတ်မီ ဖွံ့ဖြိုး တိုးတက်သော မြန်မာနိုင်ငံ တည်ဆောက်ရေး လုပ်ငန်းများကို ဆောင်ရွက်လျက် ရှိပါသည်။ ယခုနှစ် မတ်လတွင် မေတို့ကမ္ဘာအဖွဲ့သည် iWomen မိုဘိုင်းလ်ဖုန်း ဆော့ဖ်ဝဲလ်ကို ဖန်တီး ဖြန့်ချိခဲ့ပါသည်။ ထို ဆော့ဖ်ဝဲလ်ကို ကုလသမဂ္ဂဖွံ့ဖြိုးမှုအစီအစဉ် (မြန်မာ) ၏ ပံ့ပိုးမှုဖြင့် ရေးသား ဖန်တီးထားခြင်း ဖြစ်ပါသည်။ iWomen မိုဘိုင်းလ်ဖုန်း ဆော့ဖ်ဝဲလ်ကို ဖန်တီး ဖြန့်ချိနိုင်သည့် အတွက် အထူးပင် ဂုဏ်ယူ ၀မ်းမြောက်မိပါသည်။ အဖွဲ့ဝင် အမျိုးသမီးများသည် iWomen မိုဘိုင်းလ်ဖုန်း ဆော့ဖ်ဝဲလ် ဒီဇိုင်း ရေးဆွဲရာတွင် ပါဝင် ပူးပေါင်းခဲ့ပါသည်။ ထို ဆော့ဖ်ဝဲလ်ကို အသုံးပြုခြင်းဖြင့် မြန်မာနိုင်ငံ တစ်ဝန်းလုံးမှ ကျေးလက် အမျိုးသမီးများ အချင်းချင်း ဆက်သွယ် ချိတ်ဆက်ခြင်း၊ နည်းပညာ အသုံးပြု၍ သတင်း အချက်အလက် ဖြန့်ချိခြင်း လုပ်ငန်းများ ကောင်းမွန်လာမည် ဖြစ်ပါသည်။ လွန်ခဲ့သော နှစ်များတွင် ကျေးလက်ဒေသ၌ မိုဘိုင်းလ်ဖုန်း အသုံးပြုခြင်း တွင်ကျယ်လာပြီး မေတို့ကမ္ဘာအဖွဲ့ဝင်များ အတွင်း မိုဘိုင်းလ်ဖုန်း အသုံးပြုသူ အရေအတွက် မြင့်မားလာပါသည်။ သို့သော် မိုဘိုင်းလ်ဖုန်း မပိုင်ဆိုင်သော အဖွဲ့ဝင် အမျိုးသမီး အမြောက်အမြား ရှိနေဆဲ ဖြစ်သည်။ မေတို့ကမ္ဘာအဖွဲ့သည် ယခု အခါတွင် တယ်လီဖုန်း ကုမ္ပဏီ တစ်ခုနှင့် ချိတ်ဆက်ပြီး ကျေးလက်ဒေသတွင် မိုဘိုင်းလ်ဖုန်းများကို အရစ်ကျစနစ်ဖြင့် ဖြန့်ဖြူး ရောင်းချနိုင်စေရန် စီစဉ်လျက် ရှိပါသည်။

မေတို့ကမ္ဘာအဖွဲ့၏ ခေါင်းဆောင်များသည်လည်း မိုဘိုင်းလ်ဖုန်းများကို အသုံးပြု၍ အချင်းချင်း ချိတ်ဆက် ဆောင်ရွက်လျက် ရှိပါသည်။ ထို့အပြင် သုံးလတစ်ကြိမ် အစည်းအဝေး ခေါ်ယူ ကျင်းပပြီး အဖွဲ့ဝင်များ၏ လိုအပ်များကို ဆွေးနွေးပြီး၊ စိန်ခေါ်မှုများကို ဖြေရှင်းရန် နည်းလမ်းများကို အတူတကွ ဖော်ထုတ်ကြပါသည်။

မေတို့ကမ္ဘာအဖွဲ့၏ အဖွဲ့ဝင်များမှာ ကျေးလက်ဒေသနေ အမျိုးသမီးများ ဖြစ်သဖြင့် ပညာ တတ်မြောက်မှု အားနည်းချက် ရှိပါသည်။ အထူးသဖြင့် ဘာသာစကား အခက်အခဲသည် စိန်ခေါ်မှုကြီး တစ်ခုပင် ဖြစ်ပါသည်။ ဥပမာ ပြဆိုရလျှင် မေတို့ကမ္ဘာအဖွဲ့၏ လုပ်ငန်းလက်တွဲဖော် အဖွဲ့အစည်းဖြစ်သည့် ကုလသမဂ္ဂဖွံဖြိုးရေးအစီအစဉ် (မြန်မာ) မှ နိုင်ငံတကာဝန်ထမ်းများမှာ မြန်မာစကား ပြောဆိုသူများ မဟုတ်သဖြင့် အပြန်အလှန် ဆက်သွယ်ရာတွင် အခက်အခဲများနှင့် ကြုံရပါသည်။ အင်္ဂလိပ်-မြန်မာ ဘာသာပြန်ဆိုရာတွင် တစ်ခါတစ်ရံတွင် အရေးကြီးသော အချက်အလက်များသည် ဘာသာပြန်ဆိုမှုတွင် မပါဝင်ဘဲ ကျန်ရစ်ခဲ့သည်ဟု ယူဆမိပါသည်။ လုပ်ငန်း ဆောင်ရွက်ရန် ရန်ပုံငွေ လျှောက်ထားရာတွင် အင်္ဂလိပ် ဘာသာဖြင့် ရေးသား လျှောက်ထားရသဖြင့် အခက်အခဲ ထပ်မံ ကြုံတွေ့ရပြန်ပါသည်။ မေတို့ကမ္ဘာအဖွဲ့ အဖွဲ့ဝင်များမှာ ကျေးလက်ဒေသနေ အမျိုးသမီးများ ဖြစ်သဖြင့် ကွန်ပြူတာကို ကိုင်တွယ် အသုံးပြုနိုင်ခြင်း မရှိပေ။ ထို့ကြောင့် ရန်ပုံငွေ လျှောက်လွှာ ပြင်ဆင်ရာတွင် အခြားသူတို့၏ အကူအညီဖြင့် ဆောင်ရွက်နေရပါသည်။

မေတို့ကမ္ဘာအဖွဲ့ ခေါင်းဆောင်များမှာ မြို့နယ်အဆင့် လုပ်ငန်းဆောင်ရွက်မှု အတွေ့အကြုံ ရှိသူများ ဖြစ်သော်လည်း မြန်မာနိုင်ငံ တစ်ဝန်းလုံးတွင် အမျိုးသားအဆင့် အဖွဲ့အစည်းအဖြစ် လုပ်ငန်းဆောင်ရွက်မှု အတွေ့အကြုံ မရှိသဖြင့် စိန်ခေါ်မှုများ ကြုံတွေရပြန်ပါသည်။ သို့ဖြစ်၍ မိမိတို့၏ လုပ်ငန်းများကို ကောင်းမွန်စွာ ဆောင်ရွက်နိုင်ရန် အချိန်နှင့် အမျှ လေ့လာ ပြင်ဆင်ရပါသည်။ အဖွဲ့ဝင်များ အချင်းချင်း ဆက်သွယ် ညှိနှိုင်းရာတွင် အားကုန် စိုက်ထုတ်၍ ဆောင်ရွက်ရပါသည်။ အဖွဲ့ဝင် အချို့မှာ မိုဘိုင်းလ်ဖုန်း ဆက်သွယ်ရေး ကွန်ရက် အခက်အခဲ ရှိသော ဒေသတွင် နေထိုင်ကြသဖြင့် ဆက်သွယ်ရာတွင် အခက်အခဲများစွာ ကြုံတွေ့ရပါသည်။ တစ်ခါတစ်ရံတွင် ကျေးလက်ဒေသတွင် နေထိုင်သော အဖွဲ့ဝင်များနှင့် ဆက်သွယ်ရာတွင် (၃) ရက်ခန့် ကြာမြင့်တတ်ပါသည်။

မေတို့ကမ္ဘာအဖွဲ့၏ အကြီးမားဆုံးသော စိန်ခေါ်မှုမှာ ဘဏ္ဍာရေး အခက်အခဲပင် ဖြစ်သည်။ မေတို့ကမ္ဘာအဖွဲ့ကို ၂၀၁၅ ခုနှစ်တွင် စတင် တည်ထောင်စဉ်က ပင်မရန်ပုံငွေ အဖြစ် ငွေကျပ် ၁၅၅၀၀၀၀ (တစ်ဆယ့် ငါးသိန်းနှင့် ငါးသောင်း) ကောက်ခံ ရရှိခဲ့ပါသည်။ ဘဏ္ဍာရေး အခက်အခဲကြောင့် မေတို့ကမ္ဘာအဖွဲ့၏ လုပ်ငန်းများကို မိမိတို့ စိတ်ဆန္ဒ ရှိသည့် အတိုင်း ချဲ့ထွင်နိုင်ခြင်း မရှိခဲ့ပေ။ ဘဏ္ဍာရေး အခက်အခဲကြောင့် မေတို့ကမ္ဘာအဖွဲ့တွင် လိုအပ်သည့် ရုံးသုံးပစ္စည်းများကို ၀ယ်ယူဖြည့်တင်းနိုင်ခြင်း မရှိသကဲ့သို့ ၀န်ထမ်း ခန့်ထားနိုင်ခြင်း မရှိပါ။

သို့ဖြစ်၍ မေတို့ကမ္ဘာအဖွဲ့သည် ယခုအခါတွင် ပြည်တွင်း၊ ပြည်ပ အဖွဲ့အစည်းများနှင့် ချိတ်ဆက်ပြီး ရန်ပုံငွေ ရရှိရန် ဆောင်ရွက်လျက် ရှိပါသည်။ ရန်ပုံငွေ ရရှိလျှင် အသိပညာ မြှင့်တင်ရေးနှင့် ပညာပေး လုပ်ငန်းများကို ကျေးလက်ဒေသတွင် အရှိန်အဟုန် မြှင့်တင်၍ ဆောင်ရွက်နိုင်မည် ဖြစ်သည်။ ကျေးလက်ဒေသတွင် နေထိုင်သူ အမျိုးသမီး အများစုသည် ယင်းတို့ ရပိုင်ခွင့် ရှိသော အမျိုးသမီး အခွင့်အရေးများကို ကောင်းမွန်စွာ သိနားလည်ခြင်း မရှိသဖြင့် အသိပညာပေး လုပ်ငန်းများကို အရှိန်အဟုန် မြှင့်တင်၍ ဆောင်ရွက်ရန် လိုအပ်လျက် ရှိပါသည်။

ထို့အပြင် ၀င်ငွေရ အလုပ်အကိုင် လုပ်ငန်းများ လုပ်ကိုင်လျှင် အမျိုးသမီးများ၏ ဘ၀ အခြေအနေ မြင့်မားလာမည် ဖြစ်သဖြင့် ကျေးလက်ဒေသနှင့် ကိုက်ညီမှုရှိသော အသက်မွေး ၀မ်းကျောင်းမှု သင်တန်းများ ပို့ချရေးသည် အရေးကြီးလှပါသည်။ အထူးသဖြင့် ကျေးလက်ဒေသနေ အမျိုးသမီးများကို ကျေးလက်-မြို့ပြ ဈေးကွက်ချိတ်ဆက်မှု သင်တန်းများ ပို့ချရေးသည် အလွန် အရေးကြီးလှပါသည်။

ထို့အပြင် မေတို့ကမ္ဘာအဖွဲ့သည် ကျေးလက်ဒေသနေ အမျိုးသမီး၏ ခေါင်းဆောင်မှု စွမ်းရည်နှင့် စီမံခန့်ခွဲရေး စွမ်းရည် မြှင့်တင်ရေး သင်တန်းများကို ပို့ချလိုပါသည်။ ထို စွမ်းရည် မြှင့်တင်ရေး သင်တန်းများ ပို့ချခြင်းဖြင့် အမျိုးသမီးများသည် ယင်းတို့၏ ရပ်ရွာတွင် ခေါင်းဆောင်များ အဖြစ် ရပ်တည်လာနိုင်မည် ဖြစ်ပါသည်။ ကျေးလက်ဒေသ အုပ်ချုပ်ရေးကဏ္ဍတွင် အမျိုးသမီးများ ပါဝင်ဆောင်ရွက်ခွင့် ရရှိရေးကို အထူးပင် လိုလားပါသည်။ ဒေသန္တရ အုပ်ချုပ်ရေးတွင် အမျိုးသမီးများ ပါဝင်ဆောင်ရွက်ခြင်းကို တိုးမြှင့်ခြင်းဖြင့် အမျိုးသမီးများ၏ လိုအပ်ချက်များကို မူဝါဒချမှတ်သူတို့ ပို၍ သိမြင်နားလည်လာမည် ဖြစ်ပြီး လိုအပ်ချက်များကို ဖြည့်ဆည်းပေးနိုင်မည် ဖြစ်ပါသည်။ ထိုမှတစ်ဆင့် ကျားမတန်းတူ ညီမျှရေးကို အဟန့်အတား ဖြစ်စေသည့်  လူ့အဖွဲ့အစည်း အတွင်းဝယ် အမြစ်တွယ်နေသည့် မှားယွင်းသော အပြုအမူ၊ အကျင့်အကြံ၊ အပြောအဆိုများကို ပြောင်းလဲ ပြင်ဆင်နိုင်မည် ဟု ယူဆမိပါသည်။

ယခု အခါတွင် မေတို့ကမ္ဘာအဖွဲ့၏ အဖွဲ့ဝင် အရေအတွက် တဖြည်းဖြည်း မြင့်တက်လာနေပါသည်။ တနည်းဆိုရလျှင် မေတို့ကမ္ဘာအဖွဲ့ကို ကျေးလက်ဒေသနေ အမျိုးသမီးတို့၏ ယုံကြည်မှု မြင့်မားလာခြင်း ဖြစ်ပါသည်။ ဤ အောင်မြင်မှု အရှိန်အဟုန်ကို ဆက်လက် ထိန်းသိမ်းရန် မေတို့ကမ္ဘာအဖွဲ့၏ လှုပ်ရှားမှုများကို တိုးချဲ့ ဆောင်ရွက်ရန် လိုအပ်နေပါသည်။ သို့သော်လည်း ဘဏ္ဍာရေး အခက်အခဲများ ရှိနေခြင်းကြောင့် လုပ်ငန်း နယ်ပယ် ချဲ့ထွင်ရန် အခက်အခဲ ရှိနေပြန်သည်။ သို့ဖြစ်၍ မေတို့ကမ္ဘာအဖွဲ့သည် ပြည်တွင်း၊ ပြည်ပ အမျိုးသမီး အခွင့်အရေး လှုပ်ရှားသူများ၊ အဖွဲ့အစည်းများနှင့် ချိတ်ဆက်၍ ဆောင်ရွက်နိုင်ရန် အခွင့်အလမ်းများကို ရှာဖွေနေရခြင်း ဖြစ်ပါသည်။

 

ဤ ဆောင်းပါးကို မေတို့ကမ္ဘာအဖွဲ့၏ ဥက္ကဖြစ်သူ ဒေါ်ချိုအေးနှင့် ဒုတိယဥက္ကဌဖြစ်သူ ဒေါ်လှဆန်းထွေးတို့ ပူးတွဲ ရေးသားထားခြင်း ဖြစ်ပါသည်။

 

UNDP Around the world

You are at UNDP Myanmar 
Go to UNDP Global