၂၀၂၀၊ မတ် ၃၁

မြန်မာလွှတ်တော်ကိုယ်စားလှယ်စစ်တမ်း - ဒုတိယအကြိမ် လွှတ်တော်မှ ကိုယ်စားလှယ်များ၏ ထင်ဟပ်သုံးသပ်ချက်များ

လွှတ်တော်များ ဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းရေးအဖွဲ့ (JCC)၊ ပြည်ထောင်စုအဆင့်ရှိ လွှတ်တော်သုံးရပ်၊ ကုလသမဂ္ဂဖွံ့ဖြိုးမှုအစီအစဉ် (UNDP)နှင့် နိုင်ငံတကာပါလီမန်များအစည်းအရုံး (IPU) တို့သည် ‘မြန်မာလွှတ်တော်ကိုယ်စားလှယ်စစ်တမ်း - ဒုတိယအကြိမ် လွှတ်တော်မှ ကိုယ်စားလှယ်များ၏ ထင်ဟပ်သုံးသပ်ချက်များ’ ကို ဆောင်ရွက်ပြီးစီးခဲ့ပြီ ဖြစ်ပါသည်။ ဤအစီရင်ခံစာသည် ၂၀၁၆ ခုနှစ်တွင် စတင်ခဲ့ပြီး ၂၀၂၁ ခုနှစ်အစောပိုင်းတွင် သက်တမ်း ကုန်ဆုံးမည့် လက်ရှိ ပြည်ထောင်စု လွှတ်တော်သက်တမ်းအတွင်း မြန်မာနိုင်ငံမှ လွှတ်တော် ကိုယ်စားလှယ်များကို အချိန်ယူ၍ သုတေသနပြု လေ့လာခဲ့မှု၏ ရလဒ်ပင် ဖြစ်ပါသည်။ စစ်တမ်းအစီရင်ခံစာတွင် ပြည်ထောင်စုအဆင့် လွှတ်တော်ကိုယ်စားလှယ်များ၏ အခန်းကဏ္ဍများ၊ လုပ်ငန်းတာဝန်များနှင့် ကျင့်သုံးမှု အလေ့အထများအကြောင်း သက်သေအထောက်အထားများကို အခြေခံ၍ တင်ပြထားရာ လွှတ်တော်များ၏ ဗျူဟာကျဦးတည်ချက်နှင့် အဖွဲ့အစည်းဆိုင်ရာ ဖွံ့ဖြိုးတိုးတက်ရေးအတွက် ကူညီပံ့ပိုးပေးရာတွင် အထောက်အကူပြုမည်ဖြစ်ပါသည်။ ဤအစီရင်ခံစာသည် လွှတ်တော် ကိုယ်စားလှယ် ၆၃ ဦးနှင့် တွေ့ဆုံမေးမြန်းမှုများ၊ ဦးတည်အုပ်စုဆွေးနွေးမှုများ၊ လွှတ်တော် ကိုယ်စားလှယ် ၃၉၄ ဦးမှ ဖြေကြားပေးခဲ့သည့် မေးခွန်းလွှာမှ တွေ့ရှိချက်များကို အခြေခံကာ ပြုစုထားပါသည်။ ဤအစီရင်ခံစာသည် ၂၀၁၅ ခုနှစ်က UNDP/IPU မှ ဆောင်ရွက်ခဲ့သည့် ပထမ အကြိမ်လွှတ်တော်မှ လွှတ်တော်ကိုယ်စားလှယ်စစ်တမ်းကို ဖြည့်စွက်ထောက်ပံ့ပေးထားခြင်းဖြစ်ပြီး ပထမအကြိမ် လွှတ်တော်နှင့် ဒုတိယအကြိမ် လွှတ်တော်ကြား ဖွံ့ဖြိုးတိုးတက်လာမှုများကို လေ့လာမှတ်တမ်းတင်ထားပါသည်။ စစ်တမ်းတွေ့ရှိချက်များသည် ဒီမိုကရေစီစနစ်သစ်အတွင်း ရွေးကောက်တင်မြှောက်ခံ ကိုယ်စားလှယ်များ ကျင့်သုံးသော ထိရောက်သည့် အလေ့အထများကို ပျိုးထောင်ရန်နှင့် မျှဝေရန် အထောက်အကူပြုနိုင်ပါသည်။ လွှတ်တော်များ၏ ဗျူဟာကျဦးတည်ချက် နှင့် အဖွဲ့အစည်းဆိုင်ရာ ဖွံ့ဖြိုးတိုးတက်ရေးအတွက် ကူညီပံ့ပိုးပေးနိုင်ရန် ဤအစီရင်ခံစာကို အသုံးပြုနိုင်ပါသည်။

၂၀၁၉၊ အောက် ၈

အမျိုးသမီးနှင့် ဒေသန္တရခေါင်းဆောင်မှု

၂၀၁၉၊ ဩ ၅

အမျိုးသားအဆင့် ငလျင်ဘေးအန္တရာယ် ကြိုတင်ပြင်ဆင်ရေးနှင့် တုံ့ပြန်ရေးစီမံချက်

အမျိုးသားအဆင့် ငလျင်ဘေးအန္တရာယ် ကြိုတင်ပြင်ဆင်ရေးနှင့် တုံ့ပြန်ရေးစီမံချက် ကို ဥရောပသမဂ္ဂ လူသားချင်းစာနာထောက်ထားမှု ကယ်ဆယ်ရေးနှင့် အကူအညီပေးရေးအဖွဲ့ (ECHO) ၏ ဘဏ္ဍာငွေပံ့ပိုးမှု ၊ ဘေးအန္တရာယ်စီမံခန့်ခွဲရေးဌာနနှင့်ပူးပေါင်း၍ ကုလသမဂ္ဂဖွံ့ဖြိုးမှုအစီအစဉ် (UNDP) က ရေးဆွဲပါသည်။