မျိုးဆက်သစ် ယူအန်ဒီပီ

ယနေ့ခေတ် ဖွံ့ဖြိုးတိုးတက်ရေးဆိုင်ရာ စိန်ခေါ်မှုများသည် ရှုပ်ထွေးပြီး အကြောင်းအရာအလိုက် ကွာခြားသည်။ ထို့ကြောင့် ကျွန်ုပ်တို့ အနေနှင့် ကျွန်ုပ်တို့ တာဝန်ထမ်းဆောင်ရာ နိုင်ငံများနှင့် အဖွဲ့အစည်းများ၏ လိုအပ်ချက်များနှင့် ကိုက်ညီစွာပြင်ဆင် လုပ်ကိုင်လျက်ရှိသည်။

ယူအန်ဒီပီ၏ မဟာဗျူဟာစီမံကိန်း(၂၀၁၈ မှ ၂၀၂၁)ကို ကျွန်ုပ်တို့တာဝန်ထမ်းဆောင်ရွက်ရာ နိုင်ငံများ၏ ကျယ်ပြောသော မတူကွဲပြားမှုများနှင့် လိုက်လျောညီထွေဖြစ်အောင် ရေးဆွဲခဲ့ခြင်းဖြစ်သည်။ မတူကွဲပြားမှုကို ကျယ်ပြန့်သော ဖွံ့ဖြိုးတိုးတက်ရေးဆိုင်ရာ အခြေအနေသုံးရပ်ဖြစ်သော  - ဆင်းရဲနွမ်းပါးမှု အမြစ်ပြတ်တိုက်ဖျက်ရေး၊ စနစ်ဖွဲ့စည်းပုံ ပြုပြင်ပြောင်းလဲရေးများ နှင့် ဒဏ်ခံနိုင်စွမ်းတည်ဆောက်ရေး တို့တွင်ထင်ဟပ်တွေ့ရှိနိုင်သည်။

နယ်ပယ်ခြောက်ရပ် ရှိ ပြဿနာများကို ဖြေရှင်းရန်နည်းလမ်းများ

နယ်ပယ်ခြောက်ရပ်ရှိ ပြဿနာများကို ဖြေရှင်းရန်နည်းလမ်းများ သည် စစ်မှန်သည့် ထိရောက်မှု ပေးစွမ်းနိုင်ရန် ကျွန်ုပ်တို့တွင်ရှိသော ရင်းမြစ်များနှင့် ပညာရှင်အမြင်များ ပေါင်းစပ်မှုများဖြင့် ချိန်ညှိထားသည့် ဖွံ့ဖြိုးတိုးတက်မှုရှေးရှုသော ဘက်ပေါင်းစုံ တုံပြန်ချက်များ ဖြစ်သည်။

ထိုဖြေရှင်းနည်းတစ်ခုစီတွင် မူဝါဒဆိုင်ရာ အကြံပေးမှု၊ နည်းပညာဆိုင်ရာ အထောက်အပံပေးခြင်း၊ ဘဏ္ဍာရေးအထောက်အပံ့နှင့် အစီအစဉ်များ ပါဝင်သည်။ ဖြေရှင်းနည်း တစ်ခုတိုင်းတွင် စဉ်ဆက်မပြတ် ဖွံ့ဖြိုးတိုးတက်မှုများကို လမ်းဖွင့်ပေးနိုင်မည့် အလားအလာ ရှိနေသည်။ သို့သော်လည်း ဖြေရှင်းနည်းများသည် ၎င်းတစ်ခုတည်း ရပ်တည် အောင်မြင်နိုင်မည် မဟုတ်ပေ။ ကျွန်ုပ်တို့အနေဖြင့် စဉ်ဆက်မပြတ် ဖွံ့ဖြိုးတိုးတက်မှု ရည်မှန်းချက်ပန်းတိုင်များ (SDG) ကို ရရှိရန် ထိုဖြေရှင်းချက်များအားလုံးကို လိုအပ်သည်။

ကျွန်ုပ်တို့၏ လုပ်ဆောင်ချက်များ

ခေတ်သစ်တစ်ခုအတွက် စီမံကိန်းသစ်တစ်ခုကို အကောင်အထည်ဖော်သည့်အလျောက် ကျွန်ုပ်တို့၏ ဆယ်စုနှစ် ငါးစုကျော် လုပ်ဆာင်ချက်များအတွင်း နိုင်ငံများနှင့် အထူးဒေသပေါင်း ၁၇၀ ခန့်တွင် ကျွန်ုပ်တို့၏ အင်အားများ၊ လက်တွေ့အခြေအနေများ တည်ဆောက်မှုကို တွေ့မြင်နိုင်မည်ဖြစ်သည်။