မြန်မာနိုင်ငံ အပူပိုင်းဇုံဒေသအတွင်း ရေအရင်းအမြစ်နှင့် စားနပ်ရိက္ခာ ဖူလုံမှုတို့အပေါ် တွင် ရာသီဥတုပြောင်းလဲမှုကြောင့် ပေါ်ပေါက်လာနိုင်သည့် အန္ရရာယ်များကို ကိုင်တွယ်ဖြေရှင်းခြင်း

စီမံကိန်းအကြောင်း

ဤစီမံကိန်းသည် မြန်မာနိုင်ငံအလယ်ပိုင်းဒေသတွင် စိုက်ပျိုရေးနှင့်မွေးမြူရေး ထုတ်လုပ်မှု ဖြစ်စဉ်များအပေါ် တိုး၍သက်ရောက်လာနေသော ရာသီဥတုပြောင်းလဲမှု အကျိုးဆက်များကို လျှော့ချရန် ရည်ရွယ်ပြီး ၎င်းတို့မှာ အပူချိန်နှင့် ရေငွေ့ပျံနှုန်းများ မြင့်တက်လာခြင်း၊ ရေရရှိမှု လျော့နည်းလာခြင်း၊ အထူးသဖြင့် ရုတ်တရက်ရေကြီးခြင်းနှင့် မုန်တိုင်းများ ကဲ့သို့သော ပြင်းထန်သည့် ရာသီဥတုဖြစ်ရပ်များ ပိုမိုပြင်းထန်လာခြင်းတို့၏ အကျိုးသက်ရောက်မှုများ ဖြစ်သည်။

စီမံကိန်းတွင် အဓိကအကျိုးခံစားခွင့်ရှိသူများမှာ မြေဆီလွှာတိုက်စားမှုနှင့် မြေအဆင့်အတန်းကျဆင်းလာမှု ပြဿနာတို့ကြောင့် စိုက်ပျိုးနိုင်သောမြေရရှိမှုကို ခြိမ်းခြောက်ခံနေရသည့် လယ်ယာမဲ့ စိုက်ပျိုးရေးလုပ်သားများနှင့် မိုးရေသောက်လယ်များတွင် လုပ်ကိုင်နေသည့် နွမ်းပါသော လယ်သမားများတို့ ဖြစ်ကြသည်။ အမျိုးသမီးများနှင့် အမျိုးသမီးဦးဆောင်သော အိမ်ထောင်စု များကိုလည်း အထူးအလေးပေးထားသည်။

စီမံကိန်းကာလ လေးနှစ်ပြီးဆုံးသည့်အချိန်တွင် မြို့နယ် ငါးခုရှိ ကျေးရွာပေါင်း ၂၈၀ ၌ ပူပြင်းခြောက်သွေ့သော ရာသီများတွင် ရေချိုမပြတ်လတ်စေရန် စွမ်းဆောင်ပေးခြင်း၊ ရာသီတုဒဏ် ခံနိုင်ရည်ရှိသည့် စိုက်ပျိုရေးနှင့်မွေးမြူရေး အလေ့အထများကို မြှင့်တင်ပေးခြင်း၊ ရာသီဥတုပြောင်းလဲမှုဆိုင်ရာ သတင်းအချက်အလက်များ ဖြန့်ဝေရာတွင် ကာလတိုမိုးလေဝသခန့်မှန်းချက်များ၊ ကာလလတ် ရာသီအလိုက် ခန့်မှန်းချက်များ၊ ဖြစ်နိုင်ခြေရှိသော ဥတုရာသီအခြေအနေများအတွက် ကာလရှည်အဆင့် စီမံကိန်းရေးဆွဲခြင်း နည်းတို့ဖြင့် အချိန်ကိုက်ဖြစ်ရေးနှင့် အရည်အသွေးမီရေးကို သေချာစေခြင်းတို့ ဆောင်ရွက်ပေးမည်။

စီမံကိန်းကို ဒေသနေပြည်သူလူထု၏ စွမ်းဆောင်နိုင်အားများကိုမြှင့်တင်ရေး မူများအပေါ် အခြေခံထားပြီး ကျေးရွာဖွံ့ဖြိုးတိုးတက်ရေး ကော်မတီများ၊ ရေအသုံးပြုသူ ကော်မတီများ၊ လယ်သမားအဖွဲ့များ၊ အများပိုင် သစ်တော အသုံးပြုသူများ အဖွဲ့များ၊ ဒေသန္တရ အန်ဂျီအိုများ (NGOs) များကဲ့သို့သော လူထုအခြေပြု အဖွဲ့အစည်းများက အကောင်အထည်ဖော်ကြသည်။ စီမံကိန်း၏ မျှော်မှန်းထားသောအကျိုးသက်ရောက်မှုမှာ အလွန်ဆိုးရွားပြင်းထန်သော ရာသီဥတုဖြစ်ရပ်များကြောင့် ကြုံတွေ့ရနိုင်သော စားနပ်ရိက္ခာ မဖူလုံမှု နှင့် ဆုံးရှုံးပျက်စီးမှုများတို့ကို အိမ်ထောင်စု ၅၀,၅၄၃ ခုတွင် လျှော့ချပေးရန် ဖြစ်သည်။

ရည်မှန်းချက်များ

မိုးခေါင်ရေရှားမှုနှင့် မိုးရေချိန် ပြောင်းလဲလာမှုတို့ ပိုမိုကြုံတွေ့နေရသော မြန်မာနိုင်ငံ အပူပိုင်းဒေသနေ လယ်သမားတို့၏ ထိခိုက်လွယ်မှုကို လျှော့ချရေးအပြင် စားနပ်ရိက္ခာဖူလုံမှုကို သက်ရောက်နေသော ရာသီဥတုပြောင်းလဲမှုအကျိုးဆက်များအပေါ် လယ်သမားများ အစီအစဉ် ရေးဆွဲ၊ တုံ့ပြန်ဆောင်ရွက်စေရန် စွမ်းဆောင်ရည်မြှင့်တင်ပေးရေး လည်း ပါဝင်သည်။ စီမံကိန်း၏ရည်ရွယ်ချက်မှာ နိုင်ငံအဆင့်နှင့် ဒေသအဆင့်များတွင် ရာသီဥတုပြောင်းလဲမှု၏ အကျိုးဆက်များအပေါ် တုံ့ပြန်ဆောင်ရွက်ရန် ထိခိုက်လွယ်မှု လျှော့ချရေးနှင့် လိုက်လျောညီထွေ ပြုပြင်နိုင်သောစွမ်းရည် တိုးပွားစေရေး ကို Adaptation fund ၏ ရည်ရွယ်ချက်နှင့်အညီ အကောင်အထည်ဖော်ဆောင်ရွက်သွားမည့် စီမံကိန်းဖြစ်သည်။

ထိရောက်မှုများ

ဗီဒီယိုများ

ထုတ်ဝေထားသော စာအုပ်စာတမ်းများ

သတင်းများ

နှစ်အလိုက် ဘတ်ဂျတ်