သစ်တောပြုန်းတီးမှုနှင့် သစ်တောအတန်းအစား ကျဆင်းမှုတို့မှ ကာဗွန်ထုတ်လုပ်မှု လျှော့ချခြင်းနှင့် သစ်တောထိန်းသိမ်းကာကွယ်ခြင်း၊ စဉ်ဆက်မပြတ် စီမံအုပ်ချုပ်ခြင်းနှင့် သစ်တောကာဗွန်ရင်းမြစ်များ ပိုမိုတိုးမြင့်စေခြင်း ကုလသမဂ္ဂ ပူးပေါင်းဆောင်ရွက်သော အစီအစဉ် – မြန်မာ UN-REDD အမျိုးသား အစီအစဉ်

 

အခြေအနေ-	လက်ရှိဆောင်ရွက်နေဆဲ
ကြာချိန်-	၂၀၁၆ နိုဝင်ဘာလ - ၂၀၂၀ နိုဝင်ဘာလ
ဘတ်ဂျတ်-	အမေရိကန်ဒေါ်လာ ၅,၅၅၄,၃၇၀
လွှမ်းခြုံရာဒေသ-	နိုင်ငံတစ်ဝန်း
အကျိုးခံစားခွင့်ရှိသူများ-	သက်ဆိုင်သော ဆက်စပ်ပါဝင်သူအားလုံး – အထူးသဖြင့် ကျေးလက်ဒေသနေနှင့် သစ်တောကိုမှီခိုနေသူများ
အလှူရှင်များ-	နော်ဝေနိုင်ငံ၊ UN-REDD၊ UNDP၊ MPTF ရုံး (စီမံခန့်ခွဲရေး ကိုယ်စားလှယ်)
အလေးထားဆောင်ရွက်ရာနယ်ပယ်-	ရာသီဥတုပြောင်းလဲမှု လျော့ပါးသက်သာစေရေး
မိတ်ဖက်များ-	အဓိကမိတ်ဖက်အဖြစ် MONREC/FD ၊ အခြားသော အစိုးရအဖွဲ့အစည်းများနှင့် အစိုးရမဟုတ်သော အဖွဲ့အစည်း (NGO) များ

စီမံချက်အကြောင်း

နော်ဝေအစိုးရ၏ ထောက်ပံ့မှုဖြင့် UN-REDD အစီအစဉ်သည် လူနှင့်သစ်တောများ ဗဟိုဌာန (RECOFTC) နှင့် ပူးပေါင်း၍ မြန်မာနိုင်ငံအစိုးရနှင့် အခြားသော ဆက်စပ်ပါဝင်သူများအား REDD+ ပြင်ဆင်ရေး လမ်းပြမြေပုံ ကို ၂၀၁၂ ဇူလိုင်လ - ၂၀၁၃ ဩဂုတ်လ ကာလအတွင်း ရေးဆွဲစေရာတွင် ကူညီပေးခဲ့သည်။ UN-REDD/ မြန်မာအမျိုးသားအစီအစဉ်သည် တစ်ဦးချင်းတစ်ဖွဲ့ချင်း၊ ဖွဲ့စည်းပုံဆိုင်ရာနှင့် စနစ်ကျသော စွမ်းဆောင်ရည်များ တည်ဆောက်ခြင်းတို့မှတစ်ဆင့် လမ်းပြမြေပုံ တွင် ပါရှိသည့် REDD+လုပ်ငန်းစဉ်များ အကောင်အထည်ဖော်ရာတွင် ထောက်ပံ့ပေးသည်။

ရည်မှန်းချက်များ

ကုလသမဂ္ဂ ရာသီဥတုအပြောင်းအလဲမှု ထိန်းချုပ်ရေးဆိုင်ရာ သဘောတူညီချက် (UNFCCC)နှင့်အညီ REDD+ ကို အကောင်အထည်ဖော်ရေးအတွက် အမျိုးသားအဆင့် စွမ်းဆောင်ရည် တိုးမြှင့်ရေး နှင့် နည်းပညာပိုင်း၊ ဥပဒေပိုင်း၊ လူမှုရေးပိုင်း ဆိုင်ရာ ဆက်စပ်သည့် စနစ်များ ပိုမိုဖြစ်ထွန်းလာစေရေး။

မျှော်မှန်းရလဒ်များ

• သက်ဆိုင်သည့် ဆက်စပ်သူများ ပါဝင်လုပ်ဆောင်ခြင်းနှင့် ၎င်းတို့၏ စွမ်းဆောင်ရည်များ ဖြစ်တည်ဖွံ့ဖြိုးလာမည် (မြန်မာ REDD+ မူဝါဒလမ်းစဉ် အပိုင်း (၁) - အမျိုးသားအဆင့် အဆင်သင့်ရှိမှု စီမံခန့်ခွဲရေး အစီအစဉ်များ နှင့် အပိုင်း (၂) - ဆက်စပ်ပါဝင်သူများ ညှိနှိုင်းတိုင်ပင်မှုနှင့် ပါဝင်လုပ်ဆောင်မှု)၊

• အမျိုးသားအဆင့် အဖွဲ့အစည်းများတွင် REDD+ အတွက် ထိရောက်သော အားလုံးပါဝင်ဆောင်ရွက်နိုင်သည့် အုပ်ချုပ်မှု အစီအစဉ်များကို အကောင်အထည်ဖော်ရန် စွမ်းဆောင်ရည် ရှိလာမည် (မြန်မာ REDD+ မူဝါဒလမ်းစဉ် အပိုင်း (၄) - အကောင်အထည်ဖော်ရေး မူဘောင်နှင့် ကာကွယ်စောင့်ရှောက်မှုများ)၊

• မြန်မာနိုင်ငံ၏ ဒေသနှင့် ရေမြေအနေအထားပေါ်မူတည်၍ REDD+ ကာကွယ်စောင့်ရှောက်မှုများကို ဖွင့်ဆိုသတ်မှတ်ပြီး အမျိုးသားအဆင့် ကာကွယ်စောင့်ရှောက်မှုများဆိုင်ရာ သတင်းအချက်အလက်စနစ် ဖွံ့ဖြိုးတိုးတက်လာမည် (မြန်မာ REDD+ မူဝါဒလမ်းစဉ် အပိုင်း (၄) - REDD+ အကောင်အထည်ဖော်ရေး မူ ဘောင် ရေးဆွဲခြင်း)၊

• မြန်မာနိုင်ငံ၏ အမျိုးသား သစ်တောစောင့်ကြည့် လေ့လာြခင်းစနစ် (NFMS) ဖွံ့ဖြိုးတိုးတက်လာပြီး ကနဦး သစ်တော ကာဗွန်ထုတ်လုပ်မှုရည်ညွန်းပမာဏ REL/RL ပြုစုခြင်းကို ထောက်ပံ့ပေးနိုင်မည်။ (မြန်မာ REDD+ မူဝါဒလမ်းစဉ် အပိုင်း (၅) - နိုင်ငံ့ သစ်တောမှ ကာဗွန်ထုတ်လုပ်မှု အညွှန်းအဆင့် (REL) နှင့်/သို့မဟုတ် သစ်တောဆိုင်ရာ အညွှန်းအဆင့် (RL) ရေးဆွဲခြင်း နှင့် အပိုင်း ၆ - အမျိုးသားအဆင့် သစ်တောစောင့်ကြည့်လေ့လာခြင်းစနစ် ဖွံ့ဖြိုးတိုးတက်စေခြင်း)၊

• အမျိုးသား REDD+ မဟာဗျူဟာ ရေးဆွဲခြင်း (မြန်မာ REDD+ မူဝါဒလမ်းစဉ် အပိုင်း ၃ - REDD+ မဟာဗျူဟာများ ရေးဆွဲခြင်းနှင့် ရွေးချယ်ခြင်း)။

ကျွန်ုပ်တို့၏ ဇာတ်လမ်းများ

ဆက်စပ်နေသည့် အကြောင်းအရာများ

• http://www.myanmar-redd.org/
• https://web.facebook.com/redd.psd.fd.moecaf/?_rdc=1&_rdr