ငြိမ်းချမ်းရေးနှင့် သာယာဝပြောရေး ပူးပေါင်းဆောင်ရွက်မှုများ ၂၀၁၉ နှစ်ပတ်လည်အစီရင်ခံစာ - UNDP မြန်မာ

မည်သူတစ်ဉီးတစ်ယောက်ကိုမျှချန်မထားခဲ့ရေးဟူသည့်မူဝါဒနှင့်အညီ ကုလသမဂ္ဂဖွံ့ဖြိုးရေးအစီအစဉ် သည် လူသားချင်းစာနာသောအကူအညီပေးရေး၊ ငြိမ်းချမ်းရေးနှင့်ဖွံ့ဖြိုးရေး လုပ်ငန်းများကို ဆောင်ရွက် ခြင်း၊  နိုင်ငံအစိုးရများနှင့်အတူလက်တွဲကာဖယ်ကျဉ်ခံထားရသူများ၊ လူမှုအသိုင်းအဝိုင်းများကို အကူ အညီပေးခြင်းသာမက ဒေသခံလူမှုအဖွဲ့အစည်းများ၏ဘေးအန္တရာယ်များကိုရေရှည်ကာလအတွက် ကြံ့ကြံ့ခံရင်ဆိုင်နိင်စွမ်းရည်များကိုမြှင့်တင်ပေးခြင်းများကို ဆောင်ရွက်ပေးနေပါသည်။

ကျွန်ုပ်တို့၏ ဆောင်ရွက်မှုများ

UNDP သည် နိုင်ငံနှင့်နယ်မြေဒေသပေါင်း ၁၇၀ တွင် ဆင်းရဲနွမ်းပါးမှု ပပျောက်ရေး ဖြစ်မြောက် ရန် ၊ တန်းတူညီမျှမှုမရှိခြင်းနှင့် ဘေးဖယ်ခံရခြင်းများအား လျော့ချရန် ကူညီဆောင်ရွက်ပေး လျက် ရှိသည်။ ဖွံ့ဖြိုးတိုးတက်မှုရလဒ်များ တည်တံ့စေရေးအတွက် မူဝါဒများ ၊ ခေါင်းဆောင်မှု ပညာ ၊ မိတ်ဖက်ပြုနိုင်စွမ်း ၊ အဖွဲ့အစည်းဆိုင်ရာ စွမ်းဆောင်နိုင်မှုများကို လေ့ကျင့်ပေးရန်နှင့် ကြံ့ကြံ့ခံနိုင်စွမ်း ပျိုးထောင်ရန်အတွက် နိုင်ငံများအား အကူအညီပေးပါသည်။ ယခုအချိန်သည် မြန်မာနိုင်ငံအတွက်သာမက ကမ္ဘာလောကတခုလုံးအတွက်ပါ အရေးကြီးသော ကာလ ဖြစ်ပါ သည်။ ဤအချိန်ကာလကို နိုင်ငံ့ စဉ်ဆက်မပြတ်ဖွံ့ဖြိုးတိုးတက်မှု လုပ်ငန်းအစီအစဉ် နှင့် စဉ်ဆက်မပြတ်ဖွံ့ဖြိုးတိုးတက်မှုပန်းတိုင်များ အား ရှေ့တဆင့်တက်လှမ်းနိုင်မည့် အခွင့်အလမ်းကြီးတရပ်အဖြစ် UNDP က ရှုမြင်ပါသည်။

မြန်မာနိုင်ငံ၌ UNDP က အဓိကလုပ်ငန်းနယ်ပယ် ၂ ရပ်တွင် လုပ်ဆောင်ပါသည် -

• ငြိမ်းချမ်းရေး နှင့် အုပ်ချုပ်ရေး အမျိုးသားရင်ကြားစေ့ရေး နှင့် ထိရောက်သော ဒီမိုကရေစီနည်းလမ်းကျသည့် နိုင်ငံတရပ်ထူထောင်ခြင်းဖြင့် ငြိမ်းချမ်းရေးကို ရေရှည်တည်တံ့စေခြင်း
• ကမ္ဘာမြေ နှင့် သာယာဝပြောခြင်း အားလုံးတန်းတူအကျုံးဝင်ပြီး ကြံ့ကြံ့ခံနိုင်စွမ်း ရှိ၍ ရေရှည်တည်တံ့သော ဖွံ့ဖြိုးတိုးတက်မှုနှင့် သဘာဝပတ်ဝန်းကျင်ဆိုင်ရာ စီမံခန့်ခွဲခြင်း အား မြင့်တင်ခြင်း

ကျွန်ုပ်တို့၏ လှုပ်ရှားဆောင်မှုတိုင်းတွင် လူ့အခွင့်အရေးအား ကာကွယ်စောင့်ရှောက်ခြင်း ၊ အမျိုးသမီးများ ၊ လူနည်းစုများ ၊ နွမ်းပါးချို့တဲ့၍ ထိခိုက်နစ်နာ အလွယ်ဆုံးသူများထံ လုပ်ပိုင်ခွင့် အပ်နှံခြင်းများကို တိုက်တွန်းအားပေးပါသည်။